Dilli

Dilli Hai Desh ki rajdhani

Dilli hai desh ka dil…..

Eisa bhi kahte hain

Kyonki basa hai yah

Dilli aisa

Jaisa ki sharir mein hota hai dil

Par shayad

Iske alava bhi kuchh hai dilli

Meri nazar mein to kuch bhi nahi hai Dilli

Is kuchh nahi ka matlab hai….

Yah shahar nahi kuchh aur hai

Darasal, meri nazar mein Dilli hai ek Colony

Ji haan,

Kai badi coloniyon se bana

Ek mega colony

Kyonki zab

Dilli ki sadkon se gujrata hun

Tab dekhta hun bas

Sadak ke caron taraf

Chhoti-badi, lambe-chhote

Keval aur keval deewaren

Deewaron ke upar

Lohen ki mazboot fencing

Ek khatam hua to

Dusra boundary shuru ho zata hai

Charon taraf se……….

Band mehsoos karta hun

Is mega colony mein

Zab bhi kabhi …

Unmukt chhalang lagana chahta hun

To………

Khud ko zakra mehsoos karta hun

Is Dilli mein.